Serikali Yapinga Ripoti ya Human Rights Watch, Yaitaja Kujaa Upotoshaji

Katibu Mkuu wa Wizara ya Habari, Utamaduni, Sanaa na Michezo na Msemaji Mkuu wa Serikali, Gerson Msigwa Serikali ya Jamhuri ya Muungano wa Tanzania imeeleza kusikitishwa na ripoti iliyotolewa na Shirika la Kimataifa la Human Rights Watch (HRW) Septemba 29, 2025, ikisema ripoti hiyo imejaa makosa, upotoshaji na tuhuma za uongo dhidi ya Tanzania, na ilitolewa bila Serikali kupewa nafasi ya kujibu. Akitoa msimamo wa Serikali Oktoba 2, 2025, Katibu Mkuu wa Wizara ya Habari, Utamaduni, Sanaa na Michezo na Msemaji Mkuu wa Serikali, Gerson Msigwa, amesema inasikitisha kwamba taasisi yenye heshima ya kimataifa kama HRW inachapisha madai yasiyo na msingi ambayo yana lengo dhahiri la kuchafua sifa ya nchi katika ngazi ya kimataifa. ‎”Madai kwamba mamlaka mbalimbali za Serikali zilipewa fursa ya kujibu tuhuma hizo halina ukweli wowote, kwani hakuna mawasiliano yaliyofanywa kwa barua, simu, wala barua pepe” imeeleza taarifa hiyo. Serikali imesisitiza kuwa inalinda na kusimamia haki za binadamu kwa mujibu wa Katiba ya Jamhuri ya Muungano wa Tanzania na mikataba ya kikanda na kimataifa ambayo nchi imeridhia. Aidha, imeeleza kuwa Sheria mpya ya Uchaguzi wa Rais, Wabunge na Madiwani Na. 1 ya 2024 imetoa uwanja sawa kwa ajili ya Uchaguzi Mkuu wa Oktoba 2025. Taarifa hiyo imekanusha hoja zilizotolewa na HRW kuhusu kupungua kwa nafasi ya kiraia na vizuizi kwa vyama vya siasa, ikieleza kuwa madai hayo hayana msingi na ni upotoshaji. ‎Aidha imesema kwamba Serikali ya Tanzania itaendelea kudumisha haki za binadamu kuelekea Uchaguzi Mkuu wa 2025 na miaka mingine ijayo, kama ilivyokuwa ikifanya kila wakati. Serikali imeziomba taasisi na mashirika ya kimataifa kuhakikisha yanapata maoni ya Serikali kabla ya kuchapisha ripoti zinazohusu Tanzania. “Tunatoa wito kwa mashirika yote na wadau kuwasiliana na mamlaka husika kabla ya kutoa ripoti, ili kuepuka upotoshaji wa taarifa unaoweza kudhoofisha sifa ya nchi kimataifa,” taarifa imesema. Ripoti ya HRW ya Septemba 29, 2025, ilidai kuwa Serikali ya Tanzania imezidisha ukandamizaji wa kisiasa na kuibua hofu juu ya iwapo Uchaguzi Mkuu uliopangwa kufanyika Oktoba 29, 2025, utakuwa huru na wa haki.

By Bongo Net.

Air Tanzania yatangaza ajira mpya 173

Shirika la Ndege la Tanzania (ATCL) limetangaza nafasi 173 za ajira, ikiwa ni sehemu ya juhudi za kulipanua na kulipa nguvu zaidi shirika hilo ndani na nje ya Afrika. ATCL, inayomilikiwa na Serikali, inatafuta marubani wapya, wahudumu wa ndege na wafanyakazi wa ardhini, ikiwa ni utekelezaji wa Mpango wa Mkakati wa Miaka Mitano. Mpango huo unalenga kupanua njia za safari na kuendeleza mafanikio yaliyopatikana katika kipindi cha muongo uliopita. Kulingana na tangazo hilo, nafasi zilizopo ni pamoja na marubani wakuu 23, marubani wasaidizi 45, wahudumu wa ndege 100 (ikiwemo 20 wenye ujuzi wa lugha ya Kifaransa na Kichina), mhasibu mmoja na wasaidizi wa mizigo 4. Aidha, Shirika hilo limetangaza mwisho wa kutuma maombi hayo ni Oktoba 14, mwaka huu. Ajira hizo zinakuja wakati ATCL ikiendelea kupanua huduma zake za kimataifa, ambapo tayari inafanya safari za ndege kwenda Guangzhou (China), Mumbai (India), Dubai (UAE), pamoja na mtandao wa safari za kikanda na za ndani. The post Air Tanzania yatangaza ajira mpya 173 appeared first on SwahiliTimes.

By Bongo Net.

PITIA VICHWA VYA HABARI KATIKA MAGAZETI YA LEO OKTOBA 02 , 2025

By Bongo Net.

BAADA YA KUWA KOCHA WA SIMBA KWA MECHI 1….MOROCCO AFICHUA MAZITO..’MAZINGIRA MAGUMU’…

Aliyekuwa KOCHA wa muda wa Simba, Hemed Suleiman ‘Morocco’ amesema haikuwa rahisi kuvuka mechi ya raundi ya kwanza kwa timu hiyo, kwani ilikuwa inacheza kwenye mazingira magumu kutokana na maandalizi finyu, kila kitu kikiwa hakiko kwenye mfumo wake wa kawaida pia bila mashabiki wake iliyowazoea uwanjani. Ikiwa Uwanja wa Benjamin Mkapa juzi, Simba ililazimishwa sare ya bao 1-1 dhidi ya Gaborone United ya Botswana, katika mchezo mkali na mgumu, ambapo Wekundu wa Msimbazi walinufaika na ushindi wa bao 1-0 walioupata wiki moja iliyopita nchini Botswana, hivyo kutinga raundi inayofuata kwa ushindi wa mabao 2-1. Morocco aliisifu Gaborone United kuwa ni moja kati ya timu bora, tishio, yenye wachezaji wanapambana na kujituma, lakini kwa bahati mbaya ilikutana na timu kubwa yenye wachezaji wazoefu. Kocha huyo ameonesha kufurahia kuivusha Simba hatua inayofuata, akisema kitendo cha yeye kukubali kazi hiyo ilikuwa ni kujitoa muhanga kwani hakuna kocha yoyote ambaye angekubali hilo kutokana na mazingira yaliyokuwapo. “Nilijitoa muhanga, hakuna kocha yoyote ambaye angekubali kuchukua timu hii katika mazingira kama haya, kuna watu walidhani mimi nitafeli, lakini mimi nilikuwa na imani, ndiyo maana nilikubali, nilijua ugumu wa kazi hii na kama ingeshindikana ingekuwaje, lakini kama nilivyotegemea nimefanikiwa, nimefurahi sana,” alisema Morocco, ambaye ni kocha wa timu ya taifa ya Tanzania, Taifa Stars. Kuhusu kutocheza vyema, alisema imetokana na mambo mbalimbali, ikiwamo kutokuwa na muda wa mazoezi kutokana jinsi alivyoichukua timu. Kocha huyo alikabidhiwa timu baada ya kuondoka kwa Kocha Mkuu, Fadlu Davids, ambaye kwa sasa ni Kocha Mkuu, Raja Casablaca ya Morocco. “Malengo ilikuwa kuivusha Simba hatua hii, haikuwa mchezo, ni hatari sana, lakini tumefanikiwa kuvuka salama. Moja ya kazi ngumu kwangu kwenye mpira wa miguu ilikuwa ni mechi hii, nilikuwa na siku chache tu za maandalizi, haikuwa rahisi kabisa, muda ulikuwa mchache ndiyo maana sikubadilisha vitu vingi, nimejaribu tu kuhakikisha tunavuka, namshukuru kocha Selemani Matola na niliowakuta wamenipa msaada, kusema kweli ni mechi ambayo tumecheza huku kila kitu kikiwa hakiko kwenye mfumo wake wa kawaida,” alisema kocha huyo. Akiwazungumzia wapinzani wao, alisema ni moja ya timu bora ambayo isingekutana na Simba ingefika mbali sana kwenye Ligi ya Mabingwa Afrika, lakini pia amesema kama ‘Wekundu wa Msimbazi’ wamevuka kikwazo wakiwa kwenye mazungira hayo magumu, basi watafika mbali kwenye michuano hiyo kwani kila kitu kitakaa sawa muda si mrefu. “Tumecheza na timu nzuri sana, ukiiona utaidharau, lakini ni timu bora na ngumu kweli, ina wachezaji wazuri, wanapambana, wanajituma, wanataka kushinda, halafu ukichanganya na kwamba walikuwa wanacheza na Simba, walikuwa wanataka kuonesha uwezo wao ili waonekane,” alisema. Aliongeza kuwa kucheza bila mashabiki wake kulifanya wachezaji wawe na morali ya chini na kuwapa nguvu wapinzani wao. “Kucheza bila mashabiki pia kuliwapa nguvu wapinzani wetu, kulipunguza pia morali yetu, nafikiri tungecheza na mashabiki tungeweza kushinda hata mabao manne,” alisema Morocco. Mashabiki wa Simba walilazimika kuangalia mchezo huo kwenye Luninga kutokana na kufungiwa na Shirikisho la Mpira wa Miguu Afrika (CAF), kwa kile kilichodaiwa kufanya vurugu kwenye mchezo wa robo fainali ya Kombe la Shirikisho msimu uliopita dhidi ya Al Masry ya Misri. Baada ya kuvuka hatua hiyo, Simba inatarajiwa kucheza dhidi ya Nsingizini Hotspurs ya Eswatini, Oktoba 17, mwaka huu ambapo itakuwa ugenini, kabla ya kurudiana nchini, Oktoba 24. The post BAADA YA KUWA KOCHA WA SIMBA KWA MECHI 1….MOROCCO AFICHUA MAZITO..’MAZINGIRA MAGUMU’… appeared first on Soka La Bongo.

By Bongo Net.

BENKI YA NMB YAZINDUA TAWI MAALUM LA NMB TINDE  MNADANI

Na Mwandishi wetu, Shinyanga BENKI ya NMB imezindua tawi maalum la NMB Tinde Mnadani mkoani Shinyanga ikiwa ni sehemu ya kuzingatia dhamira yake ya muda mrefu ya kusambaza huduma za kifedha kwa jamii ambazo hazijafikiwa. Uzinduzi huu umeambatana pamoja na uzinduzi wa matawi mengine maalum ya Itobo(Nzega, Tabora), Iboregero(Igunga, Tabora), Mkongeni(Mvomero, Morogoro) na Dosidosi(Kiteto, Manyara) Akizungumza wakati wa uzinduzi wa tawi hilo ,Afisa Mkuu wa wateja Binafsi na Biashara wa Benki ya NMB, Filbert Mponzi ameeleza kuwa Benki hiyo inatambua nafasi muhimu ya minada ya mifugo katika uchumi wa vijijini na uwepo wake katika mnada wa Tinde unaashiria utoaji wa huduma za kifedha na dhamira ya Benki ya NMB kusogeza huduma hizi kwa kila mtanzania huku wakiziwezesha jamii ambazo kihistoria zimekuwa zikikabiliwa na vikwazo vya kufikiwa na huduma za kifedha. Amesema eneo hilo la kimkakati la Tawi hili jipya maalum linalenga kuleta mapinduzi katika hali ya kifedha ya wafanyabiashara na wafugaji kwa kutoa huduma salama, rahisi na zenye ufanisi huku zikirahisisha na kuboresha shuguli zao kwa maslahi makubwa ya uchumi wa binafsi na wa mkoa wa Shinyanga kwa ujumla. “Kwa kuanzisha tawi hili maalum ndani ya mnada wa Tinde, tunatatua changamoto za moja kwa moja za matumizi makubwa ya pesa taslimu kwa kituo hiki kitatoa huduma kamili, zikiwemo kuweka pesa na kutoa pesa, kufanya miamala mbalimbali, programu za elimu ya kifedha hususani zeney mlengo wa ufugaji na mkopo maalum iliyoundwa kuongeza tija ya mifugo na biashara kwa ujumla, ” Mponzi alisema. Ameongeza kuwa, kabla ya hapo washiriki wa minada ya mifugo, wanunuzi na wafanyabiashara walilazimika kubeba pesa taslimu ili kuweza kufanya manunuzi au baada ya mauziano ya bidhaa. Kwa upande wake, Mkurugenzi Mtendaji wa Halmashauri ya Wilaya ya Shinyanga na Mgeni Rasmi wa hafla hiyo, Dk Kalekwa Kasanga “Uwekezaji huu wa Benki ya NMB utakuwa na faida kubwa kwa jamii yetu. Kwa kutoa njia salama na rahisi za kusimamia fedha, kupitia tawi hili maalum, uchumi wa Tinde utazidi kuimarika na watu wengi watanufaika zaidi na huduma hizi za kifedha na hivyo tutatengeza fursa za ajira na kuboresha hali ya jumla ya maisha kwa wakazi wetu.” Dk.Kasanga alisema. “Kwa upatikanaji wa mikopo na fursa ya kuweka akiba, wafugaji wataweza kuwekeza katika mifugo iliyoboreshwa, lishe bora na mbinu za kisasa za ufugaji, na hivyo kusababisha tija kubwa na kuongeza kipato. Hii pia itachochea mahitaji ya bidhaa na huduma nyingine, na kujenga mzunguko mzuri wa ukuaji wa uchumi,” aliongeza. Naye mfanyabiashara na mfugaji kutoka Tinde, Gerald Mwandu ameishukuru benki ya NMB kwa kujenga kituo hicho katika kata ya Tinde. Amewaomba wafugaji, wakulima na Wafanyabiashara kutumia huduma za benki mbalimbali za benki ya NMB.

By Bongo Net.